Geskiedenis van die Gemeente

Gestig: 03 Junie 1923

GESKIEDENIS

In 1922 besluit Eerwaarde J.J.H Forbes om van die Congregational Mission in Harringtonstraat weg te breek en sy eie kerk te stig. Daar was van die gemeentelede wat in Kensington en Windermere woonagtig was wat saam met die skeur met Eerwaarde Forbes beweeg het na ‘n saal in Hanover Straat en later die Moederkerk in Greystraat.

Waar dit alles begin het.

Op Sondag 13 maart 1923, is daar ‘n vergadering ten huis van mnr. Isak Jooste met die doel om ‘n Volkskerk te Kensington (toe nog Windermere) te stig. Daar was 20 teenwoordig. By ‘n buitelugdiens, gehou deur Wyle J. J. H, Forbes op 3 Junie 1923 is die Volkskerk te Kensington amptelik gestig. Eerw Forbes is bygestaan deur evangelis J. C. Slinger en evangelis C. F. E. Hendricks. Daarna is die dienste in die woning van wyle mnr Isak Jooste gehou tot daar later ‘n sink en hout gebou opgerig is. Onder die stigters verskyn die name van:

Br en Sus L Jooste

Br en Sus Agulhas Fortuin

Br en Sus F Solomon

Br en Sus Peter Strydom

Br en Sus W Jenkins

Br en Sus I Klein

Br en Sus T Brink

Br en Sus D Douries

Die Sondagskool en katkisasie klas is in 1924 begin. Die eerste Skoolhoof is mnr. R.W. Gordon. Die huidige skoolhoof is P.D Roman. Die koor het begin onder leiding van mnr D Crotz en Suster W Johnson. Wyle Bro Alfred Klein en Suster W Johnson (nee Februarie) was die eerste twee kinders van hierdie skool om te bekwaam vir die onderwys. Die huidige kerk en skoo lgebou staan op 8 erwe, ‘n geskenk van wyle mnr H.L Marais. Die hoeksteun van die kerk is op 28 Maart 1937 gele en die inhuldiging plegtigheid het plaasgevind in Oktober 1937.