Die kerk het uit Elieser Evangelical Fellowship of Congregational Church, wat hoofsaaklik uit broederband aktiwiteite bestaan het, ontstaan. ‘n Klein groep hoofsaaklik Afrikaanssprekende het op Sondag, 4 Desember 2005, te Springbokstraat 25, as ‘n huisbediening onderleiding van die Heilige Gees en leierskap van Eerw. Colin Abels van die gemeente afgestig. 

Dieselfde jaar word Eliakim (God Raises Up) Free Congregational Church as ‘n nie winsgewende organisasie (‘n onafhanklike geloofsgemeenskap), met die visie “From Faith to Practice, From Neighborly love to implementation” geregistreer. Die geloofgemeenskap het geglo dat jou geloof in dade omgesit moet word en dan ook vandaar, dat die Eliakim Community Based Foster Home & Development Centre haar ontstaan gekry het. Die barmhartigheidsuitreiking is dan ook op Matt.25:35…”As julle dit aan die geringstes nie gedoen het nie, dan het julle dit aan My nie gedoen nie”… gebaseer.

‘n Preekuitsnding, op RSG en waargeneem deur Dr. Donald J. Katts, die voormalige Moderator van die Volkskerk van Afrika, ontlok/ontketen ‘n intense belangstelling in Eerw. Colin Abels om meer van die genootskap te wete te kom.

Die Volkskerk van Afrika van Eerw. Joseph John Henry Forbes en die stigters het getoon en toon steeds ‘n kerk van mense te wees: beheer deur mense, vir die mense onderleiding van Jesus Christus as hulle Hoof, wat sterk gekant was en is teen enige vorm van segregasie, onderdrukking, ongelykheid en diskriminasie. Die VvA onder hul leiding was oorgehaal om te help, mekaar te help en self-te-help. Dit was ‘n geloofsgemeenskap wat as sosiale beweging begin is om veral die morele en sosiale uitdagings van die dag, aan te spreek, op te los en aan te spreek. Dit was en is ‘n geloofsgemeenskap van mense wat hul geloofsoortuigings prakties gedemontreer het, deur byvoorbeeld opte staan vir geregtigheid, met oorgawe te gee vir Sy saak, met geloof en vertroue barmhartigheidsdiens aan hul naaste, na mekaar en weduwees en wese omgesien het.

Geloof in aksie gerig op die wen van siele en morele herlewing waarna ons in hierdie dag wil strewe. Dit is waartoe die geloofsgemeenskap en Leraarspaar, hulle self wil verbind tot die uitbreiding van Sy koninkryk op aarde en die ondewerping in gehoorsaamheid aan Sy wil te Graaff-Reinet.